ညီထွေး
အခုဆိုရင် စည်သူလွင်ရဲ့ ဇနီး နွယ်မာကျော်က ရင်သွေးလေးကို လွယ်ထားရတာ ၆ လကျော် ၇ လထဲကို ရောက်လာပြီ ဖြစ်ပါတယ်။ ရင်သွေးလေးက သားဦးလေး ဖြစ်တဲ့အတွက် မိခင်လောင်း တစ်ယောက် အနေနဲ့ သားကို ကိုယ့်ရဲ့ ခင်ပွန်းဖြစ်သူလို အနုပညာရှင် တစ်ယောက် ဖြစ်စေချင်လား ဆိုတော့ ”ဒါကတော့ မပြောတတ်သေး ဘူး။ ကလေး အပေါ်မှာပဲ မူတည်ပါတယ်”လို့ ဆိုလာပါတယ်၊၊ ယောက်ျားလေးပဲ ဖြစ်မလား၊ မိန်းကလေးပဲ ဖြစ်မလား ဆိုတာကို စိတ်ကနှစ်ခွ ဖြစ်နေပေမယ့်၊ ယောက်ျား လေး ဆိုတာကို သိရတော့ တအားကို ပျော်ရွှင်မိကြောင်း နွယ်မာကျော်က ပြောပါတယ်။”မိခင်လောင်း တစ်ယောက်ရဲ့ ခံစားချက်ကတော့ ပျော်တာပေါ့။ အခု ကိုယ်ဝန်က ၇ လထဲကို ဝင်လာပြီဆိုတော့၊ တချို့က ၇လနဲ့လည်း မွေးတတ်တယ်လို့ ပြောကြတော့ အသွားအလာကို ဆင်ခြင်တယ်။ မိဘတစ်ယောက် အနေနဲ့ ကိုယ့်သားသမီးနဲ့ ပတ်သက်တဲ့ အစီအစဉ် တွေကတော့ အများကြီးပါပဲ။ ဒီအချိန်မှာ ကိုယ့်ကို မွေးခဲ့တဲ့ အမေကို သတိရပြီး ကိုယ်ချင်းစာတတ်လာတယ်” လို့ပြောပါတယ်။ စည်သူလွင် နဲ့ နွယ်မာကျော်တို့ရဲ့ မိသားစု ရည်ရွယ်ချက်ကတော့ ရင်သွေး နှစ်ယောက် လောက်ယူဖို့ စီစဉ်ထားကြကြောင်း၊ သားဦးလေးကိုတော့ ဇန်နဝါရီ ပထမအပတ်လောက်မှာ ပန်းလှိုင်ဆေးရုံမှာပဲ ခွဲပြီးမွေးဖို့ များကြောင်း သိရပါတယ်။ စည်သူလွင်က အောက်တိုဘာ ၁၆ ရက်နေ့ မန္တလေး ဒိုင်းမွန်းပလာဇာမှာ ကျင်းပခဲ့တဲ့ ဂျက်မြသောင်းရဲ့ဖျော်ဖြေပွဲမှာ ဂျက်မြသောင်းရဲ့ သီချင်းနှစ်ပုဒ်ကို သီဆိုဖျော်ဖြေ ခဲ့သေးကြောင်း နွယ်မာကျော်က သတင်းပေး ခဲ့ပါသေးတယ်။
လင်းအက္ခရာ
Posted in: အနုပညာသတင်းများ
0 :ဦးမှတ်ချက်ပြုသည်။:
Post a Comment
ကျေးဇူးဆိုတဲ့စကားလေးက အားဆေးလေးပါ။